Ffyrdd o gynnwys pawb yn ein gweithgareddau

afri. (CC BY-ND 2.0)

Weithiau mae rhwystrau sy’n golygu bod pobl yn teimlo nad ydyn nhw’n gallu perthyn i rai mudiadau, cymdeithasau neu gymunedau.

Wrth geisio cael gwared ar y rhwystrau, gallwn holi ambell gwestiwn i’n hunain a’u trafod, gan feddwl yw hyn yn rhwystr, oes angen newid rhywbeth, a sut.

• Sut ydyn ni’n cael ein gweld gan bobl o’r tu fas?
• Oes rhwystrau cymdeithasol i rai pobl allu ymuno? Efallai nad ydynt yn deall y mudiad a’i nod a’i natur, er enghraifft
• Oes rhwystrau ariannol gwirioneddol i bobl fod yn rhan o’r gweithgarwch?
• Wrth hyrwyddo, ydyn ni’n gwneud hynny y tu hwnt i’n cylchoedd ni ein hunain ac mewn dulliau amrywiol?
• Ydyn ni i gyd yn cyflwyno ein hunain ar ddechrau ‘cyfarfodydd’? Fyddai hyn yn arfer da sydd angen i ni ddechrau ei ddilyn?
• Ydy’r lleoliad yn fan hygyrch a chroesawgar i bawb?

Gallai rhai deimlo na allant ymuno oherwydd rhwystrau penodol neu gorfforol. Mae’n bwysig adnabod yr anghenion a’r atebion, a gwneud trefniadau ar gyfer pobl nad ydym efallai’n gwybod beth yw eu hanghenion. Mae hefyd yn werth hyrwyddo’r ffaith bod camau wedi’u cymryd i fynd i’r afael â’r ystyriaethau hyn.

Ar gyfer pobl fyddar neu rannol fyddar:

• Lleihau sŵn cefndir
• Ei gwneud hi’n hawdd iddynt aros yn agos i’r sain/siaradwr i allu darllen gwefusau
• Peidio siarad yn rhy glou
• Holi’n hunain: yw pawb wedi cael cyfle i gyfranogi yn y sgwrs?

Ar gyfer pobl ddall neu rannol ddall:

• Yw trafnidiaeth yn broblem o ran cyrraedd ein gweithgarwch?
• 
A oes rhwystr i rywun sy’n ddall i gyfranogi, a sut mae goresgyn hynny?
• 
Oes dulliau cyfathrebu gweledol yn cael eu defnyddio? Oes modd dod o hyd i ffordd wahanol o wneud hyn?

Ar gyfer pobl sy’n defnyddio cadair olwyn:

• A oes rhwystrau o ran cyrraedd y lleoliad?
• Yw’r lleoliad ei hun yn addas i bawb?
• Yw’r wybodaeth am y cyfleusterau wedi’i chyfathrebu’n glir?

Mwy o wybodaeth.

Dod Ynghyd

Mae’r arweiniad yma’n rhan o becyn Dod Ynghyd – canllaw arloesol a ddatblygwyd gan Prosiect Fory mewn ymateb i’r angen i helpu mudiadau, cymdeithasau a threfnwyr digwyddiadau i ailfeddwl sut gallwn ‘ddod ynghyd’ yn y cyfnod wedi Covid.

Sut mae creu

Ffyrdd o gynnwys pawb yn ein gweithgareddau

Lowri Jones

Pethau i’r hystyried er mwyn gallu cynnwys pawb yn ein gweithgareddau lleol