gan
Lowri Jones
Dyma flas o brif straeon y gwefannau lleol yn wythnos gynta mis Mawrth…
Cyhoeddiad yr wythnos
Mae 3 o bobol ifanc ardal clonc360 yn sefyll mewn etholiadau Prifysgol yn Aberystwyth, Bangor ac Abertawe ac mae hynny, yn ôl Dylan Lewis, yn brawf o allu’r ardal i fagu “arweinwyr ifanc hyderus”…
Ymgeiswyr lleol mewn etholiadau prifysgolion
Mae wythnos nesaf yn wythnos o etholiadau mewn nifer o brifysgolion yng Nghymru, ac mae sawl …
‘Stori Cofi’ yr wythnos
Rŵan, sut mae’n bosib cynnwys stori o Gaernarfon yn y rhestr yma, os nad oes gan Gaernarfon wefan fro eto?
Wel, neithiwr daeth criw ynghyd i greu’r wefan. Ei henw fydd Caernarfon360, a dyma un stori grëodd Lleu Bleddyn – gohebydd golwg360 – ddydd Iau i ddangos be sy’n bosib gyda gwefan straeon lleol dre’
“Mae ‘nghalon yng nghanol Caernarfon”
*Enghraifft o stori’r Cofi* Pedair ysgol yn cydweithio i gyfansoddi cân gyda Elidyr Glyn.
Fideo yr wythnos
Mae’n edrych fel fideo arferol o barti canu lleol yn morio ‘Hen Feic Peni-Ffardding fy Nhaid’ mewn cyngerdd Gŵyl Dewi yn Nhal-y-bont. Ond gwyliwch nes y diwedd!
Hwyl Ddewi yn Nhalybont
Noson i ddathlu Gwyl Dewi yn Nhalybont. Digon o gawl a digon o ganu.
Hanesyn yr wythnos
Beth oedd bwriad gwreiddiol Canolfan Dulais – yr adeilad yn Llanbed sy’n cael ei dymchwel nawr? A beth oedd ei phwysigrwydd i ardal wledig wedi’r Ail Ryfel Byd? Dylan Lewis sy’n esbonio…
Canolfan Dulais dros y blynyddoedd
I’r rhai ohonoch chi sydd wedi bod yn teithio rhwng Llanbed a Ffordd Llanwnnen dros y pythefnos …
Gôl yr wythnos (wel – mis!)
Begw Elain – gohebydd chwaraeon cynta Bro360 – sy’n ôl gyda fideo uchafbwyntiau o goliau gorau Nantlle Vale ym mis Chwefror.
Canlyniadau Gôl y mis-Nantlle Vale
Ers Mis Rhagfyr llynedd mae Nantlle Vale yn creu fidio gôl y mis sy’n cynnwys holl goliau …
Set yr wythnos
Wedi colli gig Dafydd Hedd a Bryn Fôn ym Modffordd yn ddiweddar? Dyma fideo o’r set – mwynhewch!
Gig Dafydd Hedd ym Modffordd
Perfformiad Dafydd Hedd yn dechrau i Bryn Fôn ar 28/02/2020! Joiwch
Stori fwya’ poblogaidd yr wythnos
Ddydd Iau diwethaf torrwyd record byd am goginio’r Pice ar y Maen mwyaf, a hynny yng Nghaerfyrddin, diolch i waith peirianyddol cwmni Teify Forge Cyf o Gwmann.
Gof o Lanbed yn torri record byd
Dydd Iau diwethaf, torrwyd record byd am goginio’r Welsh Cake mwyaf a hynny yng Nghaerfyrddin, …
Stori yr wythnos
Trwy ddŵr a thân (wel, gwynt a glaw difrifol!) aeth Parêd Gŵyl Dewi Aberystwyth yn ei blaen: yn un o 5 parêd yng Ngheredigion eleni. Lleu fuodd yn crynhoi’r gweithgarwch.
Parêd Gŵyl Dewi Aberystwyth 2020
Uchafbwyntiau o ddathliadau Gŵyl Dewi yn Aberystwyth eleni.
Hoffech chi gyfrannu eich stori fel y bobol hyn?
Os ydych yn byw yng ngogledd Ceredigion, ardal Llanbed, Dyffryn Ogwen neu Ddyffryn Nantlle, gallwch chi wneud hynny heddiw. Pwyswch ‘ymuno’ ar eich gwefan fro, ac yna ‘creu’ > ‘stori’. ?