Dyma ffrwd fawr fyw o’ch atgofion chi!
Ar ddydd Mercher 5 Awst 2020 rydym yn casglu ynghyd eich hen luniau, atgofion a straeon o pan ddaeth yr ŵyl genedlaethol i’ch milltir sgwâr.
Dyma’r ffrwd honno yn ei chyfanrwydd!
Bydd detholiad o’ch lluniau’n cael eu gyfrannu i Casgliad y Werin, fel bod cofnod o’ch atgofion yn cael ei gadw.
Her dros ginio!
Allwch chi enwi’r bobol yma o boster Eisteddfod Aberteifi 1976?
Pwyswch ‘Ymuno’ ar dop y wefan hon, a gadewch eich sylwadau isod!
#AtgofGen @Bro__360 @BroAber_360
Allwch chi enwi rhai o'r rhain?
Oeddech chi yno?
10.30 Pafiliwn 6 Awst 1976 pic.twitter.com/l4J6ABAUof
— Hanes Aberteifi (@HanesAberteifi) August 3, 2020
O ardal BroAber:
Hergest (Elgan Phylip) ar ben y poster.
Ar wahân i’r ‘enwogion’ eraill:
Côr Cerdd Dant Aelwyd Caerdydd dan arweiniad Nan Elis (ar waelod y poster).
Eiry Jones, Dole 3ydd o’r chwith ail res.
Twynog Davies sy’n cofio cyd-arwain Cymanfa’r Eisteddfod yn ’84 gyda Delyth Hopkins Evans.
“Roedd yn brofiad enfawr i mi yn ystod y Gymanfa i gael arwain Côr yr Eisteddfod yn canu clasur Emrys Jones Morte Christe. Delyth gafodd y fraint o arwain emyn dôn fuddugol Llanbed. Cofiaf yn dda hefyd arwain un pennill o waith Dafydd Jones o Gaio “O Arglwydd galw eto, Fyrddiynau ar dy ôl” ac yntau wedi byw yn hen gartref fy mam ar ffarm yr Hafod Llanwrda.”
Mwy gan Twynog ar Clonc360:
“bu’n rhaid gohirio perfformiad Ail Symudiad yn y babell ieuenctid sef Bedlam oherwydd bod rhan o’r eisteddfa wedi dymchwel. A oedd yr hen Syr Herbert Lloyd wedi melltithio’r lle tybed? Diolch byth fod Emyr Jones y Gof a’i fab Kevin o Lanbed ar alw ac fe atgyweiriwyd y gwendid yn fframwaith y babell a llwyddwyd i adfer rhaglen y dydd ymhen dwy awr.”
Atgofion doniol a difyr y Dylan Lewis 12 oed o Eisteddfod Llanbed 84 ?
Pwy sy’n cofio Bedlam?! (neu falle mai *peidio* cofio’r nosweithiau yma ydych chi, os oeddech chi wedi joio gormod!
#AtgofGen @RhiannonTanlan a phabell #Bedlam yn Eisteddfod Genedlaethol #LlanbedrPontSteffan a’r fro #Cofio1984. @Bro__360 pic.twitter.com/BSMEc8v53c
— Craffwr (@Craffwr) July 25, 2020
Oes gen ti atgof o pan ddaeth yr Eisteddfod Genedlaethol i dy filltir sgwâr?
Does dim ots ble na phryd – oes ’na atgof o Steddfodau Meifod yn 2016 neu 2003?
Beth am Steddfod Eryri 2005 o’r Faenol?
Dyma’ch cyfle i gyfrannu pwt o atgof neu luniau. Defnyddia’r hashnod #AtgofGen ar Twitter neu Facebook, i fod yn rhan o’r hwyl!
Nôl â ni i 1952.
Mae yn y ffilm yma olygfeydd diddorol o strydoedd Aberystwyth, o’r Prom yn orlawn, o dripiau cwch o Draeth y Gogledd, ac wrth reswm, llawer o luniau byw o enwogion Cymreig y cyfnod ar Faes yr Eisteddfod.
Diolch Iestyn Hughes am rannu ffilm yr Archif Sgrîn a Sain ar dy wefan fro (BroAber360)
Pwy sy’n cofio pan mai siop yn y dre oedd swyddfa’r Eisteddfod?
A dim ond yn 1992 oedd hynny! Diolch i Heather Williams am y atgof o Eisteddfod Aberystwyth
Pwy sy'n cofio'r siop ? Eisteddfod #Aberystwyth 1992#AtgofGen #steddfodamGen @BroAber_360 @Bro__360 pic.twitter.com/iKsWtDzluB
— Heather Williams (@HeatherHMW) July 31, 2020
Diolch i Helen Greenwood am dyrchu trwy hen luniau i ddod i hyd i’r rhain – cofnod o ymweliad yr Eisteddfod Genedlaethol â’u bro yng Nglynebwy.
10 mlynedd yn ol i heddiw roeddem yn edrych ymlaen yn eiddgar at groesawu pawb i @eisteddfod Blaenau Gwent yng Nglyn Ebwy, tafliad carreg o'n cartref ni. Wythnos anhygoel ac mae'r atgofion dal yn codi gwen #Glynebwy #2010 pic.twitter.com/eGUM5uFNwe
— Helen Greenwood (@HelenGGlynEbwy) July 31, 2020
Busnes sychedig oedd steddfota pan ddaeth yr ŵyl i Lanbed yn ’84.
Pam? Wel, doedd dim hawl yfed ar y maes bryd hynny. Ond roedd rhai wedi bod yn graff iawn gyda’r rheol yma… ;)
Mwy ar wefan Clonc360:
