![](https://360.scdn8.secure.raxcdn.com/ased/sites/3/2024/07/clawr-YB-640x396.jpg?0)
Os ydych chi’n aelod o fudiad…
Neu’n trefnu digwyddiad…
Neu’n berson prysur yn cynnal pethau’n lleol…
Mae Ymbweru Bro yma i chi.
Beth?
Cynllun gan gwmni Golwg ydy Ymbweru Bro. Dros gyfnod o bum mlynedd bydd y tîm yn gweithio gyda chi – bobol leol – i siapio’r prosiect.
Gyda’n gilydd, byddwn yn darganfod sut gallwn ddefnyddio cyfryngau, cynnwys, adnoddau ar-lein a phrosiectau i wneud pethau’n haws i bawb sy’n brysur yn gwneud i bethau ddigwydd yn eu bro.
O ap hyrwyddo digwyddiadau i gymorth codi arian; o syniadau ar gyfer rhaglen clwb i adnodd denu gwirfoddolwyr, dim on rhai syniadau ydy’r rhain o’r pethau allai gael eu creu gan y prosiect, ac mae mwy o syniadau yma.
Pam?
Er mwyn cynyddu ymdeimlad berthyn, hybu’r defnydd o’r Gymraeg, rhaeadru a rhannu sgiliau a chryfhau’r economi leol. Er mwyn sbarduno meddwl creadigol, a chynnig ffordd gadarnhaol a chynaliadwy o gynnal cymdeithas.
Ble?
Ym Môn, Gwynedd, Wrecsam, Ceredigion, Rhondda Cynon Taf a Chaerdydd i ddechrau. Ond, bydd cyfle gan ardaloedd eraill ymuno yn yr hwyl yn ystod cyfnod y prosiect, sy’n cael ei ariannu gan Gronfa Gymuned y Loteri – Pawb a’i Le.
I bwy? Chi!
I gofrestru eich diddordeb neu gyfrannu syniad – fel unigolyn neu ar ran clwb/cymdeithas – llenwch yr holiadur byr yma.
Yna, fe fyddwch chi gyda’r cyntaf i glywed am gyfleoedd i fanteisio ar Ymbweru Bro.
Edrychwn ymlaen at weithio’n gyda’n gilydd i hwyluso pethau dros y misoedd nesaf!