gan
Lowri Jones
Steddfodau, teyrngedau, a locafôr…iau?!
Bob blwyddyn, mae’r cyhoedd yn cael cyfle i bleidleisio am eu hoff stori leol o’r flwyddyn aeth heibio.
Eleni, mae 13 stori ar y rhestr fer, sef y straeon mwyaf poblogaidd ar bob un o’r gwefannau bro.
Mae’r straeon yn amrywio o flogiau byw o eisteddfodau, i erthyglau barn, i hanes digwyddiadau cymdeithasol. Mae yma stori am fusnes newydd, adduned blwyddyn newydd, a rôl newydd i berson lleol adnabyddus.
Mae pob stori wedi’u cyhoeddi gan bobol leol – gwirfoddolwyr llawr gwlad sy’n manteisio ar eu gwefan fro i rannu newyddion lleol.
Hanes y gwobrau
Caron360 enillodd Barn y Bobol y llynedd, gyda’r stori am yr ymdrech leol i adeiladu Cylch Cofio’r Eisteddfod Genedlaethol yn Nhregaron, a darn barn am dref Bethesda gafodd ei dewis yn 2022.
Ond gyda 4 gwefan fro newydd yn y botes eleni, pwy fydd yn fuddugol yn 2024?
Chi sy’n penderfynu!
Pleidleisio
Cymerwch olwg ar y straeon yn y rhestr, a phleidleisiwch heddiw am eich hoff stori leol cyn hanner nos ar 28 Ionawr 2024.
- Yr hen Galan yn codi canu a chodi calon (Aeron360)
- Siop dillad dynion newydd ym Mangor Uchaf (BangorFelin360)
- Gwobr cyfraniad arbennig Ellen (BroAber360)
- Andrew Teilo yn Awen Teifi (BroCardi360)
- Adduned blwyddyn newydd – troi’n locavore? (BroWyddfa360)
- Ai llanast neu lwyddiant oedd Llŷn? (Caernarfon360)
- Colled – teyrnged i Dai Lloyd Evans (Caron360)
- Blog byw o eisteddfod uwchradd Bro Teifi (Carthen360)
- Marwolaeth sydyn yn syfrdanu’r ardal (Clonc360)
- Eisteddfod Gadeiriol Capel y Fadfa (Cwilt360)
- Beth sy’n digwydd yn Felinwnda? (DyffrynNantlle360)
- Un o garedigion y Gymraeg yn arwain Fforwm Iaith Ynys Môn (Môn360)
- Cofio Dr John Elwyn Hughes (Ogwen360)