gan
Bethan Lloyd Dobson
Dyma i chi flas o’r straeon sydd wedi’u cyhoeddi gan bobl y filltir sgwâr, am eu milltir sgwâr, ar rwydwaith y gwefannau bro yn yr wythnos ddiwethaf…
Chapeau Stevie Williams
Ar BroAber360 gan Huw Llywelyn Evans cewch hanes Stevie Williams o Gapel Dewi ar ennill y Tour of Britain 2024. Y cyntaf o wledydd Prydain i ennill y ras ers 2016.
Carbage Run yn teithio drwy ein hardal ni
Ar Tegid360 gan Lowri Rees Roberts cewch hanes y Carbage Run aeth heibio ardal Y Bala a Chorwen ar daith arbennig oedd yn digwydd rhwng Awst 25 a 29. Roedd y Carbage Run 2024 yn daith ffordd 5 diwrnod drwy rannau o Gymru a Lloegr mewn hen gar sydd werth 1,000 ewro neu lai.
Sioe Bwlch-Llan
Ar Caron360 gan Meleri Morgan cewch hanes Sioe Bwlch- Llan. Mae dydd Sadwrn cyntaf mis Medi yn ddyddiad blaenllaw yn nyddiaduron trigolion Bwlch-Llan gan fod y Sioe flynyddol yn cael ei chynnal yn festri y Capel. Roedd llond y festri o flodau, cynnyrch gardd, gwaith llaw a choginio.
1 Hanes a lluniau Sioe flynyddol Rhydypennau ar BroAber360.
2 Elusen cyn-filwyr yn elwa o haelioni Eglwys yn Llanbed ar Clonc360.
3 Band C E L A V I o Fangor yn perfformio yn y lleoliad eiconig Cart + Horses yn Llundain, cartref i’r band metal trwm Iron Maiden. BangorFelin360