![](https://360.scdn8.secure.raxcdn.com/ased/sites/3/2023/06/1D487626-88AA-4212-A9E6-640x396.jpeg?0)
![](https://360.scdn8.secure.raxcdn.com/ased/sites/3/2023/06/E6E4B991-1874-4459-88CB-308x190.jpeg?0)
![](https://360.scdn8.secure.raxcdn.com/ased/sites/3/2023/06/0E599358-BC68-4BA7-9817-308x190.jpeg?0)
Odi, mae e’n hawdd creu stori i’w rhoi ar eich gwefan fro! Dyna eiriau bois Ysgol Dihewyd ar ôl iddynt weithio gyda’i gilydd i gyflwyno stori ar Aeron360. Braf iawn oedd cael gweithio gyda chriw o fois ifanc oedd yn llawn straeon a chyffro.
Buon nhw’n rhan o fore lles yr ysgol cyn i mi ymweld â nhw, ac felly roedd syniad stori gyda ni yn syth! Roedd sôn am weithgareddau’r bore yn ganolbwynt i’r stori, yn ogystal â diolch i’w hathrawon. Gallwch weld y stori yma. Diolch yn fawr i chi bois am gydweithio mor dda, ac am gymryd y rôl o fod yn ohebydd Aeron360 dros yr ysgol.
Hefyd yn ystod yr wythnos, bues i draw i Neuadd Llechryd am fore coffi gyda siaradwyr newydd y Gymraeg. Profiad braf oedd cael dysgu am ddiddordebau’r dysgwyr, a’i hannog i gyfrannu stori.
Os ydych yn awyddus i mi ddod mewn i’ch ysgol neu fudiad i sôn am eich gwefan fro, anfonwch neges at cerianrees@golwg.cymru.