Pleidlais ‘Barn y bobol 2023’ ar agor

Mae straeon llwyddiant, straeon cofio a straeon am syniadau newydd ymhlith rhestr fer Barn y Bobol yng Ngwobrau Bro360 eleni.

Dathliad o gyfraniad pobol ar lawr gwlad i’w gwefan fro yw Gwobrau Bro360, a heddiw dyma ddatgelu pa straeon lleol gan bobol leol sy’n brwydro am y brif wobr.

Barn y bobol

Dyma’ch cyfle chi ddewis enillydd gwobr barn y bobol, wrth bleidleisio am eich hoff stori ar draws y gwefannau bro yn ystod 2022.

Y naw yn y ras yw:

• Cartref newydd i Theatr Felinfach? (Aeron360)
• Gwobr am farddoni (BangorFelin360)
• Blog byw Rali Bae Ceredigion (BroAber360)
• Diolch, Menna (BroWyddfa360)
• Côr Dre yn barod i berfformio wedi dwy flynedd (Caernarfon360)
• Cylch cofio ymweliad yr Eisteddfod Genedlaethol â Thregaron (Caron360)
• Colli Cen Llwyd y gweinidog addfwyn (Clonc360)
• Rheolwr newydd i Dalysarn Celts (DyffrynNantlle360)
• Gwisgoedd ysgol am ddim – pam lai?  (Ogwen360)

 

Pleidleisiwch fan hyn heddiw!

 

 

Mae’n agored i bawb, a’r dyddiad olaf i fwrw eich pleidlais yw 12pm ddydd Mawrth 31 Ionawr.

Bydd yr enillydd yn cael ei gyhoeddi ar Facebook Live Bro360 am 6pm y noson honno.