![IMG_5339](https://360.scdn8.secure.raxcdn.com/ased/sites/3/2023/11/IMG_5339-142x88.jpg?s4)
Troi’r goleuadau Nadolig Ymlaen gyda’r Cyng. Lowri-Ann Richards
![IMG_5363](https://360.scdn8.secure.raxcdn.com/ased/sites/3/2023/11/IMG_5363-142x88.jpg?19x)
Rhai o goed Nadolig gwaith llaw Cricieth Creadigol yn harddu’r Maes
![DSCF1777](https://360.scdn8.secure.raxcdn.com/ased/sites/3/2023/11/DSCF1777-142x88.jpg?17w)
Y Cyng. Lowri-Ann Richards yn diddanu’r dorf
![DSCF1770](https://360.scdn8.secure.raxcdn.com/ased/sites/3/2023/11/DSCF1770-142x88.jpg?1ak)
Côr Plant Ysgol Treferthyr
![DSCF1778](https://360.scdn8.secure.raxcdn.com/ased/sites/3/2023/11/DSCF1778-142x88.jpg?14i)
Y Cyng. Lowri-Ann Richards
![DSCF1794](https://360.scdn8.secure.raxcdn.com/ased/sites/3/2023/11/DSCF1794-142x88.jpg?rs)
Môr-Neidr y Starlight Players
![DSCF1793](https://360.scdn8.secure.raxcdn.com/ased/sites/3/2023/11/DSCF1793-142x88.jpg?pi)
Môr-Neidr y Starlight Players
![IMG_5325](https://360.scdn8.secure.raxcdn.com/ased/sites/3/2023/11/IMG_5325-142x88.jpg?1az)
Y Starlight Players yn diddanu’r dorf
![IMG_5334](https://360.scdn8.secure.raxcdn.com/ased/sites/3/2023/11/IMG_5334-142x88.jpg?xb)
Côr Meibion Dwyfor yn diddanu’r dorf
![DSCF1809](https://360.scdn8.secure.raxcdn.com/ased/sites/3/2023/11/DSCF1809-142x88.jpg?jo)
Johnny Jacobson yn diddanu’r dorf
![IMG_5344](https://360.scdn8.secure.raxcdn.com/ased/sites/3/2023/11/IMG_5344-142x88.jpg?1b2)
Y dorf yn mwynhau’r naws ar y Maes
![IMG_5353](https://360.scdn8.secure.raxcdn.com/ased/sites/3/2023/11/IMG_5353-142x88.jpg?16i)
Coed Nadolig gwaith llaw Cricieth Creadigol yn harddu’r Maes
![IMG_5456](https://360.scdn8.secure.raxcdn.com/ased/sites/3/2023/11/IMG_5456-142x88.jpg?gd)
Y Cyng. Lowri-Ann Richards ac Annwen Hughes Deli Newydd
![IMG_5346](https://360.scdn8.secure.raxcdn.com/ased/sites/3/2023/11/IMG_5346-142x88.jpg?11c)
Ffenest siop hardd Nadoligaidd ar y Stryd Fawr
![IMG_5347](https://360.scdn8.secure.raxcdn.com/ased/sites/3/2023/11/IMG_5347-142x88.jpg?10u)
Ffenest siop hardd Nadoligaidd ar y Stryd Fawr
![IMG_5348](https://360.scdn8.secure.raxcdn.com/ased/sites/3/2023/11/IMG_5348-142x88.jpg?10d)
Ffenest siop hardd Nadoligaidd ar y Stryd Fawr
![IMG_5351](https://360.scdn8.secure.raxcdn.com/ased/sites/3/2023/11/IMG_5351-142x88.jpg?107)
Siopa hwyr ar y Stryd Fawr
![IMG_5350](https://360.scdn8.secure.raxcdn.com/ased/sites/3/2023/11/IMG_5350-142x88.jpg?pa)
Coed Nadolig ar siopau’r Stryd Fawr
![IMG_5277](https://360.scdn8.secure.raxcdn.com/ased/sites/3/2023/11/IMG_5277-142x88.jpg?58)
Gosod y Coed Nadolig gan rhai o griw gweithgar Cricieth Creadigol
Roedd gŵyl Croeso ‘Dolig yn ddigwyddiad arbennig iawn gyda’r Stryd Fawr yn fwrlwm o brysurdeb Nos Iau 23 Tachwedd. Mae’n noson boblogaidd i’r teulu oll fedru mwynhau siopau’r dref sy’n agor eu drysau’n hwyr er mwyn cychwyn y dathlu blynyddol.
Daeth cannoedd o bobl ynghyd i’r Neuadd Goffa i glywed caneuon Nadoligaidd gan Gôr plant Ysgol Treferthyr a Chôr Meibion Dwyfor, cân hwyliog am fôr-ladron gan y Starlight Players, a chyfle i gwrdd â’u môr-neidr a fydd yn chwarae rhan ganolog yn y pantomeim mis Ionawr. Cafwyd perfformiadau unigol gan y Cyng. Lowri-Ann Richards a Johnny Jacobson. Cynnwyd y goleuadau ar y Maes gan Lowri-Ann gyda help y dorf yn cyfrif lawr o ddeg.
Mae’n ffantastig gweld gwaith llaw newydd Cricieth Creadigol Creative Criccieth – 8 o goed Nadolig amryliw crochet a gweu wedi’u gosod o gwmpas y Maes, sydd wedi cael croeso mawr yn y gymuned a thu hwnt ac yn sicr yn rhoi mwynhad i bawb sy’n eu gweld.
Dywedodd Sarah Davidson a gymerodd ran yn y prosiect:
“Mae wedi bod yn ymdrech tîm gwych dros y misoedd lawer gan ddod â mwynhad mawr, paneidiau te a chacennau hefyd!! Mae gweld yr ymateb a’r gwerthfawrogiad gan y gymuned a thu hwnt yn rhoi boddhad mawr.”
Roedd pobol leol yn falch o’r syniad hefyd:
“Mor hyfryd, syfrdanol a chlyfar iawn. Fe ddylech chi fod mor falch ohonoch chi’ch hun – llawer o waith caled wedi’i mynd fewn i wneud y coed hyfryd yma. Da iawn chi am wneud Cricieth hyd yn oed yn fwy prydferth. Cymuned mor wych o bobl dalentog, yn rhoi gwên ar wynebau pobl.”
Dywedodd Annwen Hughes sy’n rhedeg y Deli Newydd ar y Stryd Fawr:
“Mae’r merched wedi bod yn brysur unwaith eto ac mae Cricieth yn falch iawn ohonoch – diolch yn fawr.”
Cyfrannodd David Meldrum o gwmni Meldrum Leisure tuag at goed ‘Dolig i siopau’r dref a bu Clive Lloyd a’i Fab yn helpu gyda’u gosod. Trefnwyd y noson gan bwyllgor Croeso ‘Dolig a’r goleuadau gan y Cyngor Tref. Cyfrannodd nifer o siopau’r dref tuag at wobrau raffl a dynnwyd ar y noson.
Fe gynhaliodd Siop Del gystadleuaeth i blant greu poster y Nadolig ar gyfer y Stryd Fawr i annog siopa’n lleol. Roedd dau gategori oedran. Llongyfarchiadau i’r arlunwyr a ddaeth i’r brig: Plant hyd at 7 oed – Cadi Enlli, 1af, Lucas Williams 2ail a George O’Hara 3ydd; Plant 8-11 oed – Bella 1af, Efan Smith 2ail a Swyn Williams 3ydd.
Dywedodd y Cyng. Angela Hughes o’r Cyngor Tref sydd hefyd a’i theulu yn rhedeg Siop Anrhegion y Golden Eagle ar y Stryd Fawr ac sy’n aelod o bwyllgor Croeso Dolig:
“Roedd yn noson wych o adloniant a sbri gyda’r gymuned yn tynnu at ei gilydd i ddechrau Tymor y Nadolig a’r Maes a’r Stryd Fawr yn pefrio dan oleuadau ac addurniadau arbennig creadigol. Nadolig Llawen i chi gyd a Blwyddyn Newydd Dda.”