gan
Lowri Jones
Oes ’na ddysgwyr allan yna sydd eisiau rhannu stori? Am eich diddordebau, neu am rywbeth newydd rydych wedi’i ddarganfod yn lleol…
Eich gwefan fro yw’r lle i chi!
I ddathlu Gŵyl ‘Amdani’ wythnos yma, mae Bro360 wedi paratoi 6 syniad am stori fach weddol hawdd y gallwch eu cyhoeddi.
Cofiwch – does dim angen sgwennu erthyglau hir! A dweud y gwir, mae’n well peidio ar-lein.
Beth am greu oriel luniau a chapsiwns, neu wneud fideo fer gyda’ch ffôn?
A pheidiwch ofni’r sillafu – mae Cysill ar y gwefannau bro, a bydd tîm o olygyddion lleol yn checio pob drafft cyn cyhoeddi.
Beth sy’n eich stopio?
Ewch amdani, i ddefnyddio’r Gymraeg sy’ gyda chi!