![](https://360.scdn8.secure.raxcdn.com/ased/sites/3/2022/07/pic-maint-delwedd-nodwedd-21-640x396.jpg?0)
![](https://360.scdn8.secure.raxcdn.com/ased/sites/3/2022/07/Screenshot-2022-07-21-at-10.20.38-308x190.jpg?0)
![](https://360.scdn8.secure.raxcdn.com/ased/sites/3/2022/07/5-308x190.jpg?0)
Mae deugain o gwmnïau annibynnol Ceredigion wedi uno i hyrwyddo ei gilydd erbyn ymweliad yr Eisteddfod Genedlaethol.
Ar y maes eleni fe welwch wal newydd sbon. Mae Wal siopa’n lleol Marchnad360 yn cynnwys map a rhestr o fusnesau o bob math – o lefydd bwyta i gynnyrch harddwch i wasanaethau creadigol.
Fe gewch ragor o fanylion am bob busnes ar-lein ar Marchnad360.cymru, a thrwy wefannau bro Ceredigion (BroAber360, Caron360 a Clonc360).
Bydd Marchnad360 yn cynnal sgwrs banel ar stondin Golwg ar y maes ar Gryfhau’r cylch economi lleol. Ymunwch ag Angharad Morgan (Siop Inc), Arwel Jones (Clwb Bowls Tregaron) a’r Cyng. Clive Davies fore Gwener 5 Awst, 11.15am.
Felly cofiwch – os byddwch chi’n ymweld â Cheredigion ymhen rhai wythnosau ac yn dymuno treulio ychydig o amser oddi ar y maes, ewch am dro, a mwynhau siopa’n lleol!
Diolch i’r holl fusnesau am fuddsoddi yn y rhwydwaith o wefannau bro a chadw’r cylch economi lleol i fynd.