![](https://360.scdn8.secure.raxcdn.com/ased/sites/3/2021/10/dig-Fb-sgwrs-hanes-lleol-2-640x396.jpg?0)
![Elin-Nant](https://360.scdn8.secure.raxcdn.com/ased/sites/3/2021/10/Elin-Nant-225x139.jpg?8)
Elin Nant
![ioanlord](https://360.scdn8.secure.raxcdn.com/ased/sites/3/2021/10/ioanlord-225x139.jpg?a)
Ioan Lord
![John-Dilwyn-Twitter](https://360.scdn8.secure.raxcdn.com/ased/sites/3/2021/10/John-Dilwyn-Twitter-225x139.jpg?9)
John Dilwyn
Yn Nyffryn Nantlle, mae poblogrwydd teithiau cerdded a diwrnodau cloddio mewn safle archaeolegol yn dangos bod hanes lleol yn dal y dychymyg o hyd.
Ar ben hynny, dim ond yn ddiweddar rhoddwyd sylw yn Golwg i brosiect creadigol diweddaraf Angharad Tomos, sef arddangosfa awyr agored o hen lythyrau Silyn Roberts. Mae Angharad wedi atgyfodi’r geiriau ar hen lechi ar safle ei gartref ym Mrynllidiart.
Arddangosfa Awyr Agored
Mae cyfleoedd ym mhob cwr o’r wlad i edrych yn lleol er mwyn deall y byd. Ac mae hanes yn cynnig cyfle arbennig i ni edrych yn ôl ar sut oedd pobol yn arfer gwneud pethau yn ein milltir sgwâr, wrth i ni feddwl am y dyfodol…
Dod â hanes lleol yn fyw
Felly, oes modd i ni fanteisio ar gyfryngau digidol i gyflwyno hanes ein hadeiladau, ein pobol a’n tirwedd mewn ffordd ddifyr, i gyrraedd cynulleidfa newydd? Sut fyddech chi’n mynd ati i greu fideo ar gynllun sychu Dyffryn Nantlle, neu sgwennu am brofiadau milwr lleol yn yr Ail Ryfel Byd?
Dyma rai o’r pethau fydd yn cael eu trafod yn y sgwrs Zoom Cadw yn y cof am 7pm ar 27 Hydref.
Yn ymuno â Guto Jones fydd tri sy’n hen law ar rannu hanes lleol:
- Elin Nant, ‘Hanesydd sentimental‘ o Nant Peris, ac awdur ‘Y Mae y Lle yn Iach’.
- John Dilwyn, Ymchwilydd hanesyddol o Ddyffryn Nantlle.
- Ioan Lord, awdur llyfr am hanes y diwydiant mwyngloddio yng ngogledd Ceredigion.
Ymuno
Cofrestrwch i ymuno â ni am sgwrs ddifyr, i ddarganfod sut gall pawb ohonom sy’n ymddiddori mewn hanes gadw hanes bro ar gof a chadw.