gan
Lowri Jones
Cymunedau yn ardal Arfon a Cheredigion sydd wedi creu gwefannau straeon lleol gyda help prosiect peilot Bro360.
Mae 7 gwefan wedi’u creu erbyn hyn – a dyma ble maen nhw…
Ardal Arfon
Gwefan pobol Dyffryn Peris a Dyffryn Gwyrfai. Dyw hi ddim yn syndod i’r criw lleol ddewis yr Wyddfa fel eicon y wefan.
Gwefan gan bobol y dre’ Gymreicia’ yn y byd! Y castell yw eu symbol nhw.
Gwefan pobol Dyffryn Nantlle yw’r hynaf o wefannau Arfon. I ddathlu’r cysylltiad â’r Mabinogi a chwedl Blodeuwedd, dewisodd y criw lleol y dylluan fel eicon.
Gwefan pobol Dyffryn Ogwen. Mae’r crawia i’w gweld ym mhobman ar hyd y ffyrdd a’r caeau yn y Dyffryn, a dyna symbol y wefan fro.
Ceredigion
Gwefan fro i gymunedau gogledd Ceredigion, sy’n ymestyn o Dre’r Ddôl i Lanrhystud; o Aberystwyth i Gwmystwyth. Mae’r bont yn symbol o holl bontydd y fro, sy’n dod â phobol ynghyd ac yn creu cysylltiadau.
Gwefan pobol Tregaron a’r cylch yw’r ifancaf o’r saith, ac mae Caron360 yn ymestyn o Bontrhydygroes i Fethania, ac o Ledrod i Landdewi Brefi. Mae’r aderyn sy’n hofran dros y fro yn cadw llygad ar bawb a phopeth – y barcud – yn symbol perffaith i gyfleu nod y wefan. Mwy o hanes y logo.
Gwefan fro Llanbed a’r cylch yw’r hynaf o’r cyfan – y “peilot cyn y peilot” sy’n bartneriaeth rhwng cwmni Golwg a’r papur bro lleol.
Pam 360?
Partneriaeth rhwng y cymunedau lleol a chwmni Golwg yw’r rhwydwaith o wefannau bro. Mae’r ‘360’ yn arwydd o’r cysylltiad rhyngddyn nhw â’i gilydd ac â gwefan newyddion cenedlaethol golwg360.