![Pod Peint o Laeth: Gwarffynnon](https://360.scdn8.secure.raxcdn.com/ased/sites/3/2020/12/130265819_201186538371332-640x396.jpg?79)
![Pod Peint o Gwrw: Cwrw Ogwen](https://360.scdn8.secure.raxcdn.com/ased/sites/3/2020/12/Screenshot-2020-12-21-at-15.08.25-142x88.jpg?2u)
![Pod Pizza a Peint: Gallt-y-glyn](https://360.scdn8.secure.raxcdn.com/ased/sites/3/2020/12/Screenshot-2020-10-07-at-17.52.57-142x88.jpg?dd)
![Pod Cosyn o Gaws: Cosyn Cymru](https://360.scdn8.secure.raxcdn.com/ased/sites/3/2020/12/Screenshot-2020-12-21-at-15.08.47-142x88.jpg?28)
![Pod Graen o Goffi: Poblado Coffi](https://360.scdn8.secure.raxcdn.com/ased/sites/3/2020/12/Screenshot-2020-11-24-at-16.32.00-142x88.jpg?a5)
![Cyfres podlediadau Blas o'r bröydd](https://360.scdn8.secure.raxcdn.com/ased/sites/3/2020/12/Screenshot-2020-12-21-at-15.03.52-142x88.jpg?ck)
Mewn argyfwng, yn aml daw llygedyn o obaith.
Cydio yn y gobaith hwnnw oedd nod cyfres newydd o bodlediadau Blas o’r Bröydd, gan Bro360.
Mewn adeg mor anodd ac ansicr i fusnesau bach yn 2020, aeth sawl un ati i fentro o’r newydd, addasu a llwyddo.
Mae gohebydd lleol golwg360, Shân Pritchard, wedi bod sgwrsio â phump o’r perchnogion busnes hynny yn ystod y gyfres, i ddarganfod beth sydd wedi eu hysbrydoli i addasu a mentro, a beth sy’n gwneud busnesau bach lleol fel nhw mor bwysig.
O beint o laeth i beint o gwrw newydd, o ddechrau cludo llwyth o bitsas i ddod adre o America i weithio i gwmni caws y teulu – mae yma dipyn o amrywiaeth, a blas o bob dim! Mae’r rhifyn olaf cyn y Nadolig yn olrhain datblygiad fferm yn ardal Llanbed sydd wedi dechrau gwerthu llaeth mewn ‘vending machine’ yn y dre, ac sydd ag ymgyrch farchnata Nadoligaidd hyfryd!
Os mai cael eich atgoffa ei bod hi’n dal yn bosib goroesi a thyfu, hyd yn oed yn ystod pandemig, sydd ei angen arnoch, gwrandwch ar y gyfres Blas o’r Bröydd i godi eich calon.
Gallwch danysgrifio neu wrando ar holl rifynnau’r gyfres trwy chwilio am Blas o’r Bröydd yn eich pod-le arferol.
Mae’r cyfan ar gael ar Anchor, Soundcloud a hefyd ochr yn ochr â phodlediadau Cymraeg gwych ar wefan Y Pod.