gan
Daniel Johnson
Wrth i’r coronafeirws chwalu pob cynllun oedd yn cydio yn ystod hanner cynta’ 2020, roedd clybiau a mudiadau o bob math yn teimlo’r effaith, ac yn canslo digwyddiadau.
Un elfen bwysig o’n cymunedau sy di teimlo’r effaith di’r clybiau chwaraeon. Fwy na thebyg, bydd gan bron pob un ohonoch gysylltiad â’ch clwb lleol. Efallai da chi’n gynchwaraewr, neu’n treulio pob dydd Sadwrn ar yr ystlys, ym mhob math o dywydd. Neu efallai bod eich plant wedi codi trwy rengoedd academi’r clwb ac yn dysgu am werthoedd cydweithio, tegwch a rheolau drwy fyd y campau. Yn fwy na sgiliau a ffitrwydd, mae’r clybiau yma’n cyfrannu at ddysgu’r genhedlaeth nesa sut i fod yn aelodau da o gymdeithas.
Bydd pob clwb yn methu allan ar incwm. Bydd pob cefnogwr yn methu allan ar goliau, ceisiau, eiliadau hanesyddol fyddai’n cael ei hailadrodd mewn caffis a thafarndai, tacsis a threnau.
A gan fod hi’n eitha job edrych ymlaen llawer ar hyn o’r bryd, beth am edrych am yn nôl?
Dyma’r her a roddodd BroAber360 i gefnogwyr brwd ein timau chwaraeon lleol. Eu tasg oedd meddwl nôl trwy’r tymhorau (rhai’n fwy llwyddiannus nag eraill yn hanes y clwb!) a dewis eu hoff chwaraewyr erioed.
Roedd y rheolau’n syml. I glybiau pêl-droed, un chwaraewr i’r pedwar safle allweddol. Yn anffodus, methodd rhai allan (gydag un chwaraewr yn enwedig yn anlwcus i chwarae hanner ei yrfa yng nghanol y cae a hanner fel ymosodwr!). I glybiau rygbi, roedd angen ffurfio ffug-dîm 7 bob-ochr. Llai o lefydd yn y tîm, mwy o ddadlau am y goreuon, ond ar ôl sgwrsio a ffraeo, chydweithio a chyfaddawdu, dyma’r canlyniadau. Ac yn y bôn, dyna chi beth yw chwaraeon hefyd.
Y goreuon wedi’u crynhoi
Tîm Ffantasi Hanesyddol CPD Tref Aberystwyth:
Gôl: Terry McCormick
Amddiffynnwr: Freddie Thomas
Midffîld: Chris Venables
Ymosodwr: Glyndwr ‘Paddy’ Hughes
Hyfforddwr: Brian Coyne
Cefnogwr: Thomas Crockett
Tîm Ffantasi Hanesyddol CPD Bow Street:
Gôl: Oliver Fairbrother
Amddiffynnwr: James Scarrott
Midffîld: Peter James
Ymosodwr: Gerwyn Evans
Hyfforddwr: Barry Williams
Cefnogwr: Dale
Tîm Ffantasi Hanesyddol Clwb Rygbi Aberystwyth:
Maswr: Gareth Roberts
Mewnwr: Gruff Jones
Olwr: Darren Hathaway
Rheng ôl: Eifion Gwynne
Clo: Arwel Lloyd
Rheng flaen: Prys Lewis
Cefnogwr: Roger