gan
Lowri Jones
Yn ystod y Pasg eleni fe benderfynodd pwyllgor Eisteddfod Capel-y-groes y bydden nhw’n arbrofi yn hytrach na chanslo.
Trwy wneud y defnydd gorau o dechnoleg llwyddwyd i gynnal 12 cystadleuaeth a denu dros 150 eitem ar gyfer y cystadlu. Mae’r fideos o’r cystadlu wedi’u gweld gan gannoedd ar gannoedd o bobol ar wefan Clonc360 ac ar dudalen Facebook y Steddfod, a bu’r steddfod leol hon yn ysbrydoliaeth i’r Urdd allu cynnal Eisteddfod T ym mis Mai.
Felly sut aeth y criw ati? Beth oedd yr heriau? A beth yw’r dyfodol pan ddaw hi at gynnal digwyddiadau lleol dros y blynyddoedd nesa?
Cewch glywed am hyn i gyd a mwy mewn sgwrs hwyliog gyda Luned Mair, Enfys Hatcher-Davies a Rhiannon Lewis, a gynhaliwyd yn fyw ar Facebook live Clonc360 ar nos Iau 25 Mehefin.
Os ydych chi’n steddfod neu ddigwyddiad lleol hoffai gael cyngor neu hyfforddiant ar sut i fanteisio i’r eithaf ar dechnoleg a’r we i ategu eich gweithgarwch yn lleol, cysylltwch â lowrijones@golwg.com a byddem yn falch iawn o’ch helpu.
Mae’r sgwrs hon yn un o gyfres o sgyrsiau ‘Dechrau wrth ein Traed’ a gynhelir gan Bro360 i hybu a rhannu enghreifftiau da o weithredu lleol ar lawr gwlad. Mwynhewch wrando neu wylio nôl.